Marikina extends business permit renewal period

Bilang tulong sa mga maliliit na entrepreneurs at namumuhunan, nilagdaan ni Mayor Marcy Teodoro ang Ordinance No. 001, Series of 2023 o ang ORDINANCE EXTENDING THE PERIOD FOR THE RENEWAL OF BUSINESS PERMITS WITHOUT SURCHARGES AND PENALTIES upang patagalin pa ang deadline ng business permit renewal mula ENERO 20, 2023 at gawing MARSO 31, 2023.

Ayon kay Mayor Marcy, “Ang extension na ito ay para hindi magmulta ang mga negosyanteng magpoproseso pa lamang ng kanilang renewal, para magkaroon sila ng mas mahabang panahon at hindi mamultahan hanggang Marso.”

Samakatuwid, WALANG MULTA ANG RENEWAL NG BUSINESS PERMIT HANGGANG MARSO 31, 2023.

EXTENSION NG AMNESTY SA BUSINESS TAX AT REAL PROPERTY TAX

1. Ordinance No. 006 Series of 2023 o ang ORDINANCE GRANTING AMNESTY ON SURCHARGES AND INTERESTS OF DELINQUENT BUSINESS TAXPAYERS IN THE CITY OF MARIKINA UNTIL MARCH 31, 2023.

2. Ordinance No. 007 Series of 2023 o ang ORDINANCE EXTENDING THE GRANT OF AMNESTY ON INTERESTS OF DELINQUENT REAL PROPERTY TAXPAYERS IN THE CITY OF MARIKINA UNTIL MARCH 31, 2023.

Nilagdaan din ng Ama ng Lungsod ang ordinansa para sa amnestiya sa Business Tax at Real Property Tax (RPT) o amilyar.

Advertisement

Batid ni Mayor Marcy ang hirap sa pinagdaanang krisis ng mga malilit na naghahanapbuhay at namumuhunan, maging ang mga pamilya at indibidwal. Kaya naman sila ay binibigyan ng 100% RELIEF O AMNESTY SA MGA HINDI PA NABABAYARANG MULTA SA BUWIS SA NEGOSYO (Business Tax) AT MULTA SA AMILYAR (Real Property Tax o RPT).

Sabi nga ni Mayor Marcy, “Dapat sila bigyan ng pagkakataon na makapagbayad nang walang surcharge at interest, multa o penalty. ‘Yung principal amount na lang ang babayaran para makabawas sa bigat ng alalahanin nila, para makabangon ang lahat.”